Today #RaiseYourVoice … Денес #КрениГоСвојотГлас

Today, we live in a society where everyone is trying to fit in and want to be loved, where we wouldn’t dare to speak our minds because we are scared of being rejected and that’s why we become like everyone else, shallow.

Some of us join in gossiping, when all we want to do is to talk about the universe, trips or to debate about religion, love or trust.

They only drink water because juice or milk have “too many” calories, they eat salads while they watch someone enjoying their plate full of calories wishing it was them eating it.

They degrade themselves and agree with everything, because it’s better to be a part of something, right?

Never pretend to like what everyone else pretends to love. – Emma Watson

———————————————————————

Денес, живееме во општество каде што сите пробуваат да се вклопат и сакаат да бидат сакани, каде што не би се осмелиле да се спротистават и да го искажат своето мислење од страв дека ке бидат одбиени или отфрлени, па затоа се придружуваат и стануваат како сите, површни.

Некои се придружуваат на оговарање, кога се што сакаат да направат е да зборуваат за универзумот, патувања или да дебатираат за религија, љубов или доверба.

Јадат мусли со вода, бидејќи млекото имало премногу калории, додека го гледаат месото како се врти и чекаат да биде ставено во гирото, заедно со мајонез, кечап и компирчиња и им се вртат мисли во главата за како само би го изеле.

Намерно се прават глупави и се сложуваат со се бидејќи, сепак нели е подобро да си дел од нешто?

Никогаш не се преправајте дека ви се допаѓа нешто што другите се преправаат дека го сакаат. – Ема Ватсон

Written by/Напишале:

Ivana and Anastasija Pavlovski, members of Youth programme of the Macedonian Anti-Poverty Platform
Ивана и Анастасија Павловски, членки на младинската програма на МППС

 

Judge by the appearance #RaiseYourVoice … Суд на прв поглед #‎КрениГоСвојотГлас‬

We live in a fast-moving, world full of duties, cares, dilemmas. This way of living doesn’t seem to let as look objective and from different perspectives at the things, but seems to make us judge by the appearance and puts thousands of stereotypes and prejudges in our heads, which we accept without any problems in order not to lose some of our ‘precious’ time.

As you are walking down the streets of some big city, it may happen that you see a bare-footed, grubby, messy kid asking for some money. “Get away, I’m broke” – one of the most commonly used sentences, followed by some thoughts like “Doesn’t this poor kid have any parents, shame on them, how can they let their child do things like that, I bet this kid has more money than I do, why doesn’t this kid go to school…” and then you’ll hear your 500$ smartphone ringing and forget about the kid. But, if your eyes meet kid’s just for a moment, you’ll end up speechless. You will see all of the world’s happiness and hope hidden and oppressed by the instinct of survival, hunger, cold and all of the problems the kid is facing. You will see an innocent kid who has never ever, before being born, chosen to be born poor and ask for charity and kindness, being humiliated in front of the others, people that may did nothing to deserve the things they have and goods they enjoy.

Basically, my point is, while reading this text sitting in your fathers’ armchair, you all to realize that those people didn’t use to be different than you when they were born, hence the only thing they do not deserve is the bad and cold-blooded treatment they get from the society, i.e. you. I don’t believe that you’re able to solve their problem forever, because the people who are able to do that most likely think of making a ‘big catch’, implementing some new useless law and so. But, what you can do is give them those 50 cents you got as a change for the pack of cigarettes you bought, smile at them, wish them a good day. It’s simple as that, not a hard neither scary thing to do. Putting just some effort you give small beacon of hope, life, happiness to those who cannot afford it. Those who can actually be representing anyone of us. Trust me, it’s enough.

————————————————————————

Живееме во брзодвижечки свет полн со обврски, грижи, дилиеми. Таквото темпо на живот навидум не ни овозможува да гледаме трезно и од различна перспектива на сите работи, туку ни налага да судиме на прв поглед, да си ги полниме главите со најразлични стереотипи и предрасуди, се со цел да си зачуваме повеќе од нашето ,,драгоцено” време.

Минувајки низ преполните скопски улици сигурно барем еднаш сте наишле на босоного, исцрнето, несредено дете кое ви бара милостина. ,,Немам ништо, тргни ми се” – една од често кажаните реченици, проследена со неколку мисли во глава од типот на ,,Има ли детево родители, имаат ли совест што го оставиле вака да шета, како не му е срам, сигурно има повеќе пари од мене, зошто не оди на школо да учи…” и во тој момент ви ѕвони смартфонот од 500 евра и за миг го заборавате тоа детенце. Но, ако во еден одреден момент случајно ви се сретнат погледите со тоа детенце, ќе останете запрепастени. Целата детска среќа на светот собрана во неговите очи, но потскриена и потисната од студот, гладот, немаштијата. Дете кое што во ни еден момент пред да дојде на овој свет не избрало ни посакало целиот свој живот да го мине така како што го мине, барајки милостина, понижувајки се пред другите коишто, од друга страна, можеби со ништо не заслужиле да ги уживаат оние работи кои ги уживаат.

Поентата ми е додека го читате текстов седејки на удобните фотељи на вашите татковци, во најмала рака да сфатите дека тие луѓе не се разликувале во ништо од вас кога дошле на овој свет, така што единственото нешто што не го заслуживаат е таквиот ладен однос од ваша страна. Не верувам дека можете да им помогнете и им го решите проблемот долгорочно, бидејќи оние што можат во моментов прават проекти за нови споменици, но она што можете да го направите е да им ги дадете оние 5 денари кусур што сте ги добиле за купената кутија цигари, да им се насмевнете, да им посакате убав ден. Ете, не е толку тешко, со толку малку труд им давате капка надеж, капка живот, среќа на оние коишто можат да го претставуваат секој од нас. Верувајте, доволно е.

Written by/Напишал:

Nikola Dumovski, member of Youth programme of the Macedonian Anti-Poverty Platform

Никола Думовски, член на младинската програма на МППС

 

Parallel worlds #RaiseYourVoice … Паралелни светови ‪#‎КрениГоСвојотГлас‬

Parallel worlds – from one side poor from the other side luxury.

Aren’t we having the same rights under this sky and Sun.

The people from Africa don’t know about good meal. How far is the planet don’t have access to basic medicines. We are throwing away food but 868 million are chronically malnourished.

We are playing with water but 738 million people dont have drinking water.

We are buying two, three apartments while 1600 million people dont have the proper contions to live.

Parents are paying teachers for their kids out of education while 796 million kids are illiterate.

While i live a comfortable life, my peers work as soldiers, servants or prostitutes.

Isn’t this enough examples of human rights violations.

The world is becoming better and richer, they say. So why we have mortally poor people, the wealth is for all the people?

——————————————————————————–

Паралелни светови – од една страна беда од друга раскош.

Па нели сите имаме исти права под ова небо и сонце.

За достоинствен оброк не знаат луѓето од Африка, пола планета нема пристап до основни лекови. Го фрламе јадењето а 868 милиони хронично неухранети.

Со водата си играме, а 7,38 милиони немаат вода за пиење.

Купуваме по два три стана а 1600 милиони немаат соодветни услови за домување.

На децата им плаќаме по два професори надвор од образованието а 796 милиони се неписмени.

Додека јас живеам удобен живот, мои врсници работат како војници, слуги и проститутки.

Нели се доволни примери за кршење на човековите права.

Светот станувал подобар и побогат викаат, а зошто тогаш имаме смртно сиромашни луѓе, богатството е на сите и за сите?

Written by/Напишал:

Voislav Gruevski, member of Youth programme of the Macedonian Anti-Poverty Platform

Воислав Груевски, член на младинската програма на МППС

 

#RaiseYourVoice for yourself … #КрениГоСвојотГлас за себе …

If you are reading this, you are already in this group of people who want change, freedom and most of everything we want to be heard … In world of “equality“ where no one is equal, #RaiseYourVoice for equality.

In world with “no discrimination“where poor are discriminated #RaiseYourVoice for no discrimination.

In world full of opportunities where refuges don’t get opportunity for normal life #RaiseYourVoice for supporting them.

In world where violence is forbidden and women are victims of domestic violence #RaiseYourVoice to end violence against women.

No one deserves to be mistreated! No one should live in darkness! No one should decide for your life! No one should be scared for their life! #RaiseYourVoice for #freedom #free speech #choice #opportunity #education

#RaiseYourVoice for better future.

#RaiseYourVoice for yourself.

——————————————————————————————————-

Ако го читаш ова, ти веќе си дел од оваа група на луѓе што сакаме промена, слобода и најмногу од се, НИЕ сакаме нашиот глас да биде слушнат ….

Во свет на „еднаквост“ каде никој не е еднаков #КрениГоСвојотГлас за еднаквост.

Во свет „без дискриминација“ каде сиромашните се дискриминирани #КрениГоСвојотГлас за свет без дискриминација

Во свет полн со можности, каде бегалците не добиваат можност за нормален живот #КрениГоСвојотГлас за поддршка.

Во свет во кој насилството е забрането, а жените се жртви на семејно насилство #КрениГоСвојотГлас за стоп на насилството врз жените.

Никој не заслужува да биде малтретиран и понижуван! Никој не треба да живее во мрак! Никој друг не треба да одлучува за твојот живот! Никој не треба да стравува за својот живот!

#КрениГоСвојотГлас за #слобода #слободен говор #избор #можности #образование

#КрениГоСвојотГлас за подобро утре

#КрениГоСвојотГлас за себе.

Written by/Напишала:

Jovana Dimushevska, volunteer at Youth programme of Macedonian Anti-Poverty Platform

Јована Димушевска, волонтерка во Младинската програма на МППС

 

КРЕНИ ГО ГЛАСОТ #RaiseYourVoice

Бидејќи никој нема право ја дефинира правдата како што сака.

Бидејќи со луѓето треба да се однесуваме како со она што се – луѓе.

Бидејќи љубовта не е само именка, таа е чувство.

Бидејќи никој не може да ти каже кој си, како да постапуваш и кој треба да бидеш.

Бидејќи правото на избор и правото на глас се фундаментални човекови права.

Бидејќи вистината треба да се почувствува со сите сетила – да ја видат дури и слепите, да ја чујат дури и глувите, да ја изречат дури и немите.

КРЕНИ ГО ГЛАСОТ за себе.

КРЕНИ ГО ГЛАСОТ за оние коишто тоа не можат да го сторат самите, од која било причина.

КРЕНИ ГО ГЛАСОТ бидејќи сега куцна часот.

КРЕНИ ГО ГЛАСОТ бидејќи е правилно.

КРЕНИ ГО ГЛАСОТ оти можеш. Бидејќи на крајот, сите вредиме толку.

———————————————————————————–

Because no one has the right to define “justice” to their own liking.

Because people need to be treated as what they are – people.

Because love is not just a noun, it’s a feeling.

Because no one can tell you who you are, how you need to act and who you need to become.

Because freedom of choice and freedom of voice are fundamental human rights.

Because the truth needs to be felt with all senses – be seen even by the blind, heard even by the deaf and spoken even by the mute.

RAISE YOUR VOICE on your behalf.

RAISE YOUR VOICE on behalf of those who cannot do it themselves, for whatever reason.

RAISE YOUR VOICE because the time is now.

RAISE YOUR VOICE because it’s the right thing to do.

RAISE YOUR VOICE because you can. Because in the end, we are all worth it.

 

 

Напишала/ Written by:

Ана-Марија Караџовска, членка на младинската програма на МППС

Ana-Marija Karadjovska, member of youth programme of the Macedonian Anti-Poverty Platform

 

Предизвици на младите во Македонија

Темата за младите и нивните проблеми е сè поактуелна и e непресушен извор за да се напише и оваа колумна. Ќе зборувам од аспект на тоа дека, во периодов, од наша страна беа спроведени низа активности на темата младинска сиромаштија, младински активизам, перспективата и предизвиците на младите во Македонија. Сè на сè, доста активности кои се посветени на овој дел. И сега сигурно се прашувате што сè е кажано, детектирано, направено и како младите се чувствуваат кога треба да дебатираат на овие теми.

Не е лесно да се идентификуваш како сиромашен, не е лесно да кажеш дека немаш мотивација, дека си во депресија, дека немаш никаков предизвик или перспектива во својата татковина.

Па, драги читатели, се разбира, на младите им е нелагодно и сигурно ќе се прашате пак, зошто?

Затоа што не е лесно да се идентификуваш како сиромашен, не е лесно да кажеш дека немаш мотивација, дека си во депресија, дека немаш никаков предизвик или перспектива во својата татковина.

Да, тоа е вистината, кога ќе пребараш на интернет и ќе видиш како стојат работите со младите и нивната невработеност, ќе го најдеш следниот податок: состојбата со младите од Европа на пазарот на трудот, односно стапките на невработеност достигнуваат и до 23,4 отсто во 2013 год. ( ЕУ-28, Еуростат), податокот се однесува за сите 28 земји членки на ЕУ. Состојбата со младите од Македонија на пазарот на трудот, односно стапка на невработеност кај младите во прво тромесечје во 2015 изнесува 47,6 отсто на возраст од 24-29 години и 53,9 отсто на возраст од 15-24 години.

И сега сметам дека го добивте и одговорот зошто, за пишаното погоре. Кога ќе не прашат зашто младите ја напуштаат државата, може слободно да се каже, затоа што младите во Македонија немаат квалитетен живот. И како мало појаснување, квалитетот на живот се однесува на благосостојбата на луѓето. Тој опфаќа повеќе компоненти, меѓу кои едни се мерливи, како на пример – животниот стандард, а други се немерливи, како на пример – среќата, слободата во изборот, здравјето, животната средина, слободното време, сигурноста, образованието, општествениот живот итн.

Сега добиваме и одговор и на тоа прашање. Каков квалитет на живот се има според првата мерлива компонента, финансиите?

Со минимална плата која не овозможува квалитетен живот, со работа на црно која премногу влијае на квалитетот на животот, со долго време чекање на пазарот на труд, со 100 денари од мама или тато, нема ни К од квалитетен живот. А, кога станува збор за немерливите компоненти, среќата, слободата во избор, здравје, општествен живот и слично, мислите дека е обезбеден и овде квалитетот на живот, но не драги мои, не е. Сè тука се сведува на нула. Како би воделе сметка за здравјето, кога немаш услови за тоа од аспект на здрава и квалитетна храна, немаш услови за контроли и слично. Каква среќа, кога немаш можност да се израдуваш на ништо, затоа што самиот живот те ставил во барабан и те меле и меле, без да можеш да кренеш глава и да кренеш глас, да кажеш јас сум жив, јас сум млад, сега треба да сум продуктивен, а најмалку па да имаш и општествен живот.

Кога ќе не прашат зашто младите ја напуштаат државата, може слободно да се каже, затоа што младите во Македонија немаат квалитетен живот.

И сега се враќаме на самиот наслов, односно кои се предизвиците на младите во Македонија?

Па, да ви кажам, прво и основно, е вадење на бугарски пасош, второ пакување на куферите и карта во еден правец и директ во некоја добра европска земја.

Можеби и таму не цветаат рози и не е сè розово, но сепак, како што велат, условите за обезбедување некаква сигурност и работа е далеку подобро, ќе им дозволат барем да ги задоволат потребите и секако да имаат квалитетен живот во поголема мера од овде.

И сè е тоа затоа што не се слуша гласот на младите, затоа што се изолирани, затоа што не се препознаени како партнери во процесот на правилно креирање на политики, кои во основа треба да ги решат сите нивни проблеми.

А, тие што сепак се останати овде, својата перспектива ја гледаат во промените, односно тие, како двигател на промени и самото општество, а мора да признаеме дека во овој изминат краток период активизмот кај младите се разбуди и воедно станаа гласни за сè тоа што им пречи.

Да, така се креираат услови за нормален, достоинствен и квалитетен живот. Секој од нас треба да се запраша и воедно да го пронајде предизвикот во овој процес и да се каже, да јас го сакам ова, јас сум задоволен од ова и тоа така треба да биде.

Напишано од Сашко Јованов, НВО Македонска платформа против сиромаштија.

Објавено во Радио Слободна Европа

 

 

Зошто младите бегаат од државата?

Висока невработеност, мали плати, финансиска зависност, низок животен стандард, со еден збор економските причини се примарни за иселување на младите, но има уште низа други кои ги тераат младите да трагаат по подобар живот.

Зошто еден студент ако има избор да живее во студентски дом во странство или во студентски дом во Скопје, зошто би направил избор да живее тука? И зошто младите луѓе би сакале да останат во градови кадешто нема ниту едно кино што може да го посетат, а камо ли некоја побогата или поалтернативна културна понуда.

Дона Костуранова, МОФ.

Дона Костуранова, извршен директор на Младински образовен форум (МОФ), вели дека економските фактори се меѓу пресудните, но тука се и квалитетот на образованието, културните можности, можностите за вработување, социјалниот живот.

„Ако го погледнеме животот кој го живее еден млад човек, особено за тој кој не е од Скопје има многу работи коишто треба да не загрижуваат. Зошто еден студент ако има избор да живее во студентски дом во странство или во студентски дом во Скопје, зошто би направил избор да живее тука? И зошто младите луѓе би сакале да останат во градови кадешто нема ниту едно кино што може да го посетат, а камо ли некоја побогата или поалтернативна културна понуда“, вели Костуранова.

Таа додава дека недостасува анализа и точни информации за тоа колку луѓе си заминале од земјата, на која возраст, кој е нивниот профил, кога и од кои причини си заминале. Потребни се анализи за да се креираат политики со кои би се надминал овој проблем, вели Костуранова.

Можеби, како што кажуваат тие, во другите држави ќе бидат граѓани од втор ред, можеби ќе треба да работа и две работи, меѓутоа на некој начин ќе ја имаат оваа безбедност, односно самиот систем на социјална заштита им дава некоја сигурност доколку останат без работа да можат да се снајдат додека бараат работа.

Сашко Јованов, Платформа за борба против сиромаштија.

„Делува дека волјата младите луѓе да бидат чуени, да кажат што е тоа што им треба од институциите не е голема, а уште помали се средствата кои институциите ги вложуваат во подобрување на животот на младиот човек. За вистински да се преземе нешто приоритет треба да биде обезбедување на податоци, за да знаеме ние, да провериме – дали нешто се променило за пет или 10 години, но тоа нè спречува општо политиките коишто се креираат во кои фокус може да земат и младите луѓе, да го добијат тој фокус и да се прават мерки директно наменети за нив.“

Сашко Јованов од Платформа за борба против сиромаштија вели дека младите не веруваат многу во институциите, малку се вклучени во процесот на креирање политики, особено на локално нови и затоа мигрираат во поголемите градови или надвор од државата. Младите сметаат дека во другите држави ќе ги задоволат своите потреби во однос на сигурноста и обезбедување квалитетен живот, вели Јованов.

„Можеби, како што кажуваат тие, во другите држави ќе бидат граѓани од втор ред, можеби ќе треба да работа и две работи, меѓутоа на некој начин ќе ја имаат оваа безбедност, односно самиот систем на социјална заштита им дава некоја сигурност доколку останат без работа да можат да се снајдат додека бараат работа“, вели Јованов.

Опозициските пратеници до Собранието поднесоа барање да се разгледаат причините за иселувањето на граѓаните од земјава, особено на младите. Иако првично оваа точка беше меѓу првите на дневен ред на пленарната седница, потоа беше ставена за 100-та, односно последна.  И опозицијата во отсуство на домашни информации и податоци во доставената Информација се повикува на Извештај на Светска банка, објавен во 2010 и податоци од Еуростат за периодот од 1998 до 2012. Во Извештајот на Светска банка се наведува дека Македонија е рангирана на 23-то место во група од 25 земји со најмногу иселеници. Во него е нотирано дека 447 илјади македонски граѓани се иселени од државата заклучно со 2010, што е 21,9 процент од вкупното население на Македонија. Опозицијата ја обвинува владејачката ВМРО-ДПМНЕ дека со погрешни политики ја прави Македонија безнадежна и бесперспективна земја која не нуди услови за пристојно, квалитетно и сигурно живеење.

Јованов вели дека невработеноста на луѓе од 24 до 29 години изнесува 47 проценти. Државата покрај акционите политики кои ги спроведува за вработување на младите, треба да го слушне и нивниот глас, вели Јованов.

„Според кажувањата на младите не се обезбедуваат квалитетни работи места, односно не се обезбедуваат сите работни услови кои треба да ги понуди самиот работодавач, дека многу од младите работат и на црно. Сметаат дека во иднина треба да се направат дополнителни, контролни мерки кои ќе им обезбедат начин и можност да бидат вклучени на пазарот на трудот и воедно и младинската невработеност ќе почне да опаѓа. “

Според Јованов најбитниот фактор е вклучување на младите во процесот на креирање на политики преку кој ќе им се обезбеди квалитетен живот каков што сакаат и кој е првиот услов поради кој размислуваат да ја напуштат државата.

Според анализата на Фондацијата Фридрих Еберт објавена во јули годинава, повеќе од половина, односно 52,8 проценти од младите би емигрирале во странство. Во анализата се наведува дека најчестата причина поради која би заминале во странство е подобрување на стандардот на живот, пристап до подобри можности за вработување и подобро образование.

Интервју од Пелагија Стојанчова

Објавено во Радио Слободна Европа

 

Земи зелен пасош

Во оваа колумна малку ќе дадам простор за енергетската ефикасност. Би се прашале зошто сум се одлучил да пишувам на оваа тема. Па, неколку дена размислував и увидов дека сите кои пишуваат колумни дадоа акцент на внатрешните политички и економски релации во земјата. Затоа, во оваа колумна ќе дадам акцент на енергијата, одржливоста и законодавните рамки. Што се вели малку да „забегам“ од другите.

Изборот на изворот на енергијата е избор што треба самостојно секој поединец да го изврши и притоа секогаш да има предвид дека ресурсите во кои уживаме денес ги позајмуваме од нашите идни генерации.

Воедно, енергијата е способност за вршење работа, движење, обезбедување топлина и живот. Изворите на енергија се делат на обновливи и необновливи. Необновливите извори на енергија се во ограничени количества и помалку благопријатни кон животната средина, споредено со обновливите извори на енергија. Одржливата енергија е енергетски ефикасен начин за производство и користење на енергија што има колку што е можно помалку штетно влијание врз животната средина.

Технологиите за производство на електрична енергија од обновливите извори на енергија имаат значително помало енергетско влијание врз животната средина отколку користењето на конвенционалните извори на енергија. Влијанието врз здравјето на луѓето и животната средина на обновливите извори на енергија зависи од применета технологија, локација и имплементација на инсталацијата, односно проектот.

Според официјалните податоци, во Македонија доминантни форми на потрошувачка на енергија во домаќинствата се електричната енергија (главно за греење) до 52,6 проценти и биомасата (огревно дрво) до 33,3 проценти. Течните горива и топлинската енергија за централно греење учествуваат со 6,9 проценти. Изборот на изворот на енергијата е избор што треба самостојно секој поединец да го изврши и притоа секогаш да има предвид дека ресурсите во кои уживаме денес ги позајмуваме од нашите идни генерации.

Потрошувачката на енергија во Македонија во периодот од 1990 до 2001 година практично не се менува. Меѓутоа, по 2001 година се забележува забрзан пораст на потрошувачката на енергија, особено на потрошувачката на електрична енергија. Во 2006 година имаше близу 5,5 пати поголема потрошувачка на електрична енергија по единица БДП од развиените европски земји. Во потрошувачката на електрична енергија во 2007 година може да се потенцира дека индустријата учествува со 33,8 проценти, домаќинствата со 29 проценти, земјоделството и шумарството со 1,9 проценти додека неенергетските потреби со 1,7 проценти.

Забрзаниот технолошки развој во дваесеттиот век го наруши билансот помеѓу природата и човекот, притоа создавајќи илузија дека со новите технолошки решенија можат да се контролираат природните процеси.

Во законските акти, стратегии и правилници што ги донесе Владата на Македонија (Закон за енергетика, Стратегија за енергетска ефикасност, Правилник за енергетска ефикасност на градежните објекти, и сл.) се предвидува воведување на повеќе мерки за енергетска ефикасност и користење на обновливи извори на енергија со цел да се намали потрошувачката на енергија. Со Законот за енергетика, согласно европската регулатива во Македонија од 2012 година се предвидува спроведување на енергетски контроли на градежните објекти при што се издава и сертификат – пасош за енергетска ефикасност на објектот.

Би сакал да потенцирам дека од страна на Владата на Македонија во септември 2007 година е формирана Агенцијата за енергетика. Агенцијата има својство на правно лице, а средствата за вршење на дејноста се обезбедуваат преку трансфери од Буџетот на Македонија, приходи од вршење на специфични услуги во областа на енергетиката како и од донации која ги обезбедува нејзина самоодржливост.

Би додал дека забрзаниот технолошки развој во дваесеттиот век го наруши билансот помеѓу природата и човекот, притоа создавајќи илузија дека со новите технолошки решенија можат да се контролираат природните процеси.

 Напишано од: Рубинчо Аризанкоски, претседател на Здружението за помош на социјално исклучени лица и ризични групи „Скорпион“.

Објавено во Ради Слободна Европа

 

 

На тема сиромаштија …

Гладот е страшен синоним, но тој не потекнува од немаштија – тој е создаден од имаштија.

Малку бројната богата популација на овај свет изгледа преголем проблем за останите макотрпни и помалу уважувани соограѓани. Со ограничување на алтернативите, системските решенија подразбираат сиромаштијата да биде како алтернативно прашање за оние кои со денови гладуваат.

Сегашните најдемократски држави се најодговорни за одреден масакар на човековото право во заедницата за постоење, систематско и системско поддржување и подлабочување на сиромаштијата. Парите се симболична форма на квалитет кој ги исполнува потребите до одреден степен. Имаштијата не го условува квалитетот на нашиот живот, човечноста, љубовта, среќата … Задоволството е најсилен адут против пропагандата мелница на перцепцијата.

Сиромаштијата е основна потреба во која се вклучуваат секојдневните потреби на секој човек. Квалитетниот начин на живот не е привилегија на одредена класа на граѓани, но сиромаштијата претставува опседнатост дека немаме можност тоа да го направиме или да го имаме во спротивно од граѓаните кои имаат се во две минутите. Човекот кој се перцепира дека е отфрлен и е не прифатен живее живот во страв дека утре ќе немам ни да се прехранам. Стресот, срамот, депресијата и изолираноста доведуваат до уништување на својот живот. Малата моќ во општествените ги прави потиштени и недоволно храбри за да направат некој чекор кој ќе ги направи многу подалеку од работ на немаштијата.

Мартина Атанасова
Невладина организација – Граѓанска асоцијација – Битола
22.09.2015

 

Младите, граѓанскиот ангажман и општеството на среќни луѓе

Пред неполн месец на 12 август, беше одбележан Светскиот ден на млади 2015. Светскиот ден на млади, креиран од страна на Обединетите нации има за цел да ја подигнува свеста кај луѓето за прашања кои ги се директно врзани со младите. Овој ден за прв пат беше одбележан во 2.000 година. Оттогаш наваму 12 август секоја година е денот што е посветен на младите, денот кога ширум светот се организираат концерти, тренинзи, работилници, културни настани, состаноци со најразлични засегнати страни. Во 2014 година Светскиот ден на младите беше одбележан во духот на менталното здравје, додека во 2015 година одбележувањето на овој ден беше врзано со младинското учество во граѓанскиот сектор.

Младите преку вклучувањето во граѓанскиот сектор добиваат многу знаења и вештини, учат да се борат за она што е нивно и им припаѓа само ним. Тука пред се мислам на правата на младите, кои не ретко се заборавени во нашиот контекст..

Според Обединетите нации, темата на овогодинешниот ден не е одбрана по случајност, бидејќи ангажманот и учеството на младите е од суштинско значење за постигнување на одржлив развој. Сепак, според Обединетите нации, можностите за младите да се ангажираат политички, економски и социјално во многу делови во светот се ниски или пак непостоечки. Токму затоа Светскиот ден на млади во 2015 имаше за цел да го промовира ефективното и инклузивно граѓанско вклучување на младите на сите нивоа. Во последниот период имаше зголемено внимание во однос на политиките и програмите кои се однесуваат на младинското граѓанско учество од страна на владите, ентитетите на Обединетите нации, регионалните и мултилатералните организации, здруженијата на граѓани, истражувачите и самите млади луѓе. Потребни се повеќе напори за да се подигне свеста за важноста на младинското граѓанско вклучување и бенефициите кои истото може да ги има за индивидуите, но и за општеството. Светскиот ден на млади 2015 година имаше за цел промовирање на граѓанскиот ангажман и партиципација на младите во политичкиот и јавниот живот, така што младите ќе станат доволно гласни и силни за да постигнат целосна контрибуција конопштествениот развој.

Македонија, исто така го прослави овој ден. На 12-ти август беа организирани интерактивните работилници и панел дискусијата на тема „Значењето и можностите за поголемо вклучување на младите во општеството” во Младинскиот Културен центар. Овој настан беше во рамките на Youth Voice кампањата, која ја спроведе Y-PEER во соработка со Националниот младински совет на Македонија и Balkan Action 2015, а беше поддржани од Фондот за население и Програмата за развој на Обединети нации. Навистина на настанот дојдоа многу млади луѓе, се разви плодна дискусија и сите заминаа со надеж и верување дека навистина младите се оние кои ја носат промената во општеството, младите се бројни, силни и моќни… и дека институциите на системот ќе го препознаат тоа и ќе отстапат простор за целосно и непречено вклучување.

Само млади кои се задоволни, исполнети и среќни навистина можат да придонесуваат за развојот на оваа наша држава и ова наше општество, а сексуалното и репродуктивното здравје е токму тоа, задоволство и среќа.

Младите преку вклучувањето во граѓанскиот сектор добиваат многу знаења и вештини, учат да се борат за она што е нивно и им припаѓа само ним. Тука пред се мислам на правата на младите, кои не ретко се заборавени во нашиот контекст…. А, пак доколку ја свртиме топката кон сексуалното и репродуктивно здравје и права на младите во Македонија, ќе добиеме уште потемна и попоразителна слика. Колку младите се вклучени во креирање на политиките за сексуално и репродуктивно здравје? Дали некогаш некој ги прашал младите дали имаат потреба од сексуално образование, систематски пристап до информации за првиот сексуален однос, врските, љубовта, различностите, родовите стереотипи, оралната контрацепција? Дали некој навистина направил опсежна анализа за тоа кои се потребите на младите во овие сегменти? Одговорот на овие прашања би бил не. Затоа, ние заедно мора да работиме за да ја смениме оваа слика.

Само млади кои се задоволни, исполнети и среќни навистина можат да придонесуваат за развојот на оваа наша држава и ова наше општество, а сексуалното и репродуктивното здравје е токму тоа, задоволство и среќа. Затоа секогаш кога зборуваме за младинското граѓанско учество во носењето на политиките да не го заборавиме сексуалното здравје. Да не заборавиме дека само со целосно вклучување на младите, ќе постигнеме и целосна општествена благосостојба. Да не го чекаме Светскиот ден на млади 2016 за да зборуваме за овие прашања, туку да ги засукаме ракавите и да почнеме со работа, уште денес, не само јас, не само граѓанскиот сектор, туку сите заедно. Само така, ќе го изградиме нашето идилично инклузивно општество. Општество на среќни луѓе.

Напишано од: Марија Матовска, проектна координаторка во ХЕРА.

Објавено во Радио Слободна Европа